قصيدة عن العلم

هلا بك اختي

شوفي القصيده هذه حصلتها في احدى المنتديات

يا شموخ الشعر دخلك, هل أبيات القصيد = صيغ لي أحلى القوافي , وإنتقي أبهى الحروف

هي نعم ذا اليوم فرحه , لابسه أثواب عيد=عيدنا عيد (التفوق), يوم تصفقله الكفوف

يوم فالخافق مكانه ,ذكرياته ما تبيد= تبقى طول العمر ذكرى, تنطرى في كل يوف

أشرقت شمس الأماني, وابتدى عهد(ن) جديد= والأمل ضوّى شموعه ,وانجلى وقت الكسوف

أضحت الفرحة تغني , تعزف اللحن الفريد=واصبحت ألنا منازل , تعتلي أعلى رفوف

نهجنا (درب الأوائل) ,غيره أبدن ما نريد = نطلب العليا ودايم , وقتنا حد السيوف

نقطعه من أجل رغبه, عنّها لا ما نحيد = لجلما تضحك مباسم, صاحبات المعروف

أقصد (الأم) إللي باتت, من كثر خوف(ن) شديد= ما تغض الطرف تبني , حتى تقهر كل خوف

تبني أبعزم وتفاني , جيل ساسه من حديد= جيل عنوانه إراده ,للعلم دايم شغوف

جيل بالأخلاق أصله , منهجه طه الرشيد = جيل مبدع بالأنامل , للقمم دايم هَدوف

جيل (بالزهراء) نبّت , من عطاها مستفيد = اكتسى ثوب المعارف , ثم تلاقا بالكتوف

ذا بفضل الله , وفضلج يا (مديرتنا) أكيد =كل أبونا من حنانج ,والعطا فيضج رشوف

إنتي يا (مريم) إداره , رايج الراي السديد= إنتي يا نبض التفاؤل , يا حضن دافي عطوف

أدعو الله من خفوقي, قاصده رب(ن) مجيد= يحفظج ويطيل عمرج ,وعينج الفرحه تشوف

يا (مديرتنا العزيزه), يا عسى قلبج سعيد= يا عسى( الزهراء ) دايم ,في ذرى حسج تنوف

ان شاء الله تفيدك

بالتوفيق ان شاء الله
[center]